明日之星少兒羽毛球邀請賽2021-2022年度總決賽開幕儀式，於2022年8月6號下午順利舉行！

        儀式上，我地邀請左香港羽毛球代表柯展聰哥哥同小朋友分享打羽毛球的感受，並現場做左羽毛球技術表演，同小朋友切磋交流。柯展聰哥哥同鄧俊文哥哥曾經係香港羽毛球隊最厲害的男子雙打組合，並創造過香港最高的男子雙打世界排名。

        柯展聰哥哥話，就算打波好厲害，打贏左好多對手，都要好重視基本動作練習，動作要做得好，打波先可以更進一步，打贏更加厲害的對手。柯展聰哥哥以自己在重點青年軍階段仲俾教練要求在場邊揮空拍三個月的經歷，勉勵小朋友要重視基本動作練習，對進一步提高羽毛球水平好有幫助。

        關於點樣打好比賽，柯展聰哥哥話，比賽前要充分熱身，佢自己甚至會跑到成身汗先至進入比賽，佢話咁樣就全身活動開，第一球就已經非常有決勝的狀態，都唔會去留意到是否會有緊張的情況。如果無充分熱身，全身僵硬，反而會好緊張，動作都做唔到出來。小朋友問咁會唔會打比賽時已經無力啦？柯展聰哥哥話，唔可以當無力為藉口，無力就係體力訓練唔夠，就要多D練體能啦，體能好緊要。

        最後柯展聰哥哥向小朋友做左技術表演，並同小朋友一起對練。

        非常感謝柯展聰哥哥今日抽時間同小朋友分享交流，對小朋友之後練波好有啟發，係一次非常有益的交流經歷。